ការប្រើប្រាស់ភ្នែក និង ថែរក្សាភ្នែកអោយបានត្រឹមត្រូវ

ជារឿងមួយធម្មតាទេ ដែលបុគ្គលិកសំលឹងកំព្យូទ័រអាចលើសពីរ៨ម៉ោងក្នុងមួយថ្ងៃ លើកលែងតែថ្ងៃឈប់សំរាកមួយថ្ងៃគត់។

តើការដែលបុគ្កលិកសំលឹងកំព្យូទ័របែបនេះមានផល់ប៉ះពាល់អ្វីខ្លះ?

ពិតណាស់ពិតជាមានគឺអាចបង្កអោយភ្នែកមានបញ្ហាឈឺភ្នែក ដូចជា ចុកគ្រាប់ភ្នែក ស្រវាំងភ្នែក រលាកភ្នែកជាដើម។

ខាងក្រោមជាវិធីសាស្រ្តងាយៗ ជួយអ្នកពីរោគសញ្ញាឈឺភ្នែកទាំងនេះ៖

១.ដកដង្ហើមឲ្យបានទៀងទាត់

កាលណាអ្នកប្រឹងសំលឹងធ្វើអោយអ្នកសឹងតែភ្លេចដកដង្ហើម ដូចនេះសំរួលដង្ហើមអោយលំហូរឈាមដើរប្រក្រតីវិញ។

២.ដាក់កំព្យូទ័រនៅលើតុទាបជាងភ្នែក ឬអាចចល័តបាន

ធ្វើបែបនេះជួយអោយភ្នែកអ្នកមិនសូវប្រឹងខ្លាំងនឹងសំលឹងចុះ អាចជួយដល់ភ្នែកបានច្រើនមិនប្រឹងបើកធំ។

៣.ទុកពេលឲ្យភ្នែកសំរាកខ្លះ

ពេលងើបចេញពីតុធ្វើការ អ្នកគម្បីត្រូវសម្លឹងឆ្ងាយរហូតភ្នែកអ្នកចាប់យកទីតាំងឆ្ងាយបានល្អ និងត្រួវសំរាកភ្នែកដោយការបិតបើកៗមួយៗ ព្រមទាំងងាកឆ្វេង ងាកស្តាំ មើលលើ មើលក្រោម ដូចជាការធ្វើលំហាត់ប្រាណភ្នែកផងដែរ

៤.រក្សាសំណើមភ្នែក

អ្នកអាចធ្វើឲ្យភ្នែករបស់អ្នកមានសំណើមវិញដោយការព្រិចភ្នែកឲ្យបានញឹកញាប់ ឬអាចប្រើប្រាស់សូលុយស្យុងបន្ដក់ភ្នែក ដើម្បីផ្សើមភ្នែកអ្នក។ អ្នកត្រូវចាំថា រាល់ការប្រើប្រាស់ផលិតផលណាមួយ ត្រូវសុំការណែនាំពីវេជ្ជបណ្ឌិតជាមុនសិន។

៥.អាហារ និងផ្លែឈឺ

អាហារដែលសម្បូរសារធាតុ DHA ដែលមានប្រយោជន៍សម្រាប់កែវភ្នែក និងការពារភ្នែកពីការខូចខាត ដូចជាត្រីសមុទ្រ ការ៉ុត និងបន្លែបៃតង រាប់បញ្ចូលទាំងគ្រាប់ធុញ្ញជាតិ ដែលមានសារធាតុប្រឆាំងអុកស៊ីតកម្មដែលអាចកាត់បន្ថយ ការខូចខាតកោសិកាភ្នែក និងធ្វើឲ្យសមត្ថភាពនៃការមើលកាន់តែប្រសើរ ។

រៀបរៀងដោយ : Hun Naty